Iha dezembru 2020, TANE habelar ninian rede informasaun ba konsumidor timor oan sira hotu, ho halo tan protokolu ho rádio município sira seluk, nune’e TANE besik liu tan ba konsumidor sira, bele apoiu no informa ba sidadaun barak liu tan, nune’e mos sira bele sai konsumidor ida nebe’e hatene nia direito , la hare ba rejiaun nebe nia hela ba.
Protokolu ba koperasaun dahuluk halo ho Rádio Comunidade Matebeam, nebe’e lokaliza iha Município de Baucau, iha loron 1 Dezembro no daruak nian asina iha loron 27 fulan hanesan ho Rádio Comunidade Rai Husar, nebe’e localiza iha município Aileu.
Protokolu sira ne’e asina oficialmente iha sede Associasaun nian, iha Vila Verde, Dili, konta ho prezensa husi jestora Dulce Santina, reprejenta Radio Comunidade Matebean no Julião de Andrade, jestor Radio Comunidade Rai Husar. TANE rasik reprejenta husi Kordenador lokal ba Projetu Hakbiit no Kapasita Konsumidor Timor-Leste, Antonio da Silva. Projetu finansiado husi Uniaun Europeia, TANE mak implementa ho apoiu husi Asosiasaun belun Portuges nian, DECO.
Iha 2020 nia laran TANE asegura protokolu – hat – nebe’e hatudu katak importante tebes hodi kumpri nia misaun atu apoiu konsumidor sira hotu iha Timor-Leste, desentraliza, inclusiva, iha informasaun publika kona baa Direito sira konsumidor nian.